最新消息

陽光中嘅紫外線會對皮膚造成不同程度嘅傷害🔥，夏天想keep 住進行戶外活動又唔想曬傷🥵，以下4個小貼士你一定要知💡：

1.使用足量防曬

防曬要搽得夠先至有效！咁到底要搽幾多先算夠呢？ 🤔皮膚專科醫生建議，搽面及頸位置大約需要1茶匙 (大約一個5蚊硬幣份量) 嘅防曬霜。進行戶外活動時，防曬霜應每隔2小時塗搽1次，流汗或游泳後更加要頻密補塗🧴。

2. 膚色同曬傷有關？

任何種族或膚色都有可能曬傷，但一般嚟講，膚色白嘅人較容易曬傷。原來天生膚色較深嘅人，因為皮膚內嘅黑色素分佈較多嘅關係，比起天生膚色較白嘅人，相對無咁容易曬傷！🔆由於黑色素能夠阻止紫外線對皮膚造成嘅傷害，同時有助清除皮膚內嘅自由基，所以膚色深嘅朋友天生嘅紫外線防禦能力較強，不過無論咩膚色都同樣記得要做好防曬💁‍♀️！

3. 提供額外保護

除咗搽防曬以外，最好戴帽子、太陽眼鏡，穿著通風或抗UV嘅薄長袖衣物，盡量待在陰涼處，避免陽光直接或持續照射皮膚😎。

4.容易忽略嘅位置

只要係暴露喺陽光底下嘅部位都應該要注意防曬👉，除咗全面及頸部要使用足夠份量，後頸、心口、耳朵上方、手背同腳背等容易被忽略嘅位置，都需要塗上相應嘅份量✅。